Libertad de Prensa
Premio José Couso

Querer informarse sin esfuerzo es una ilusión que tiene que ver con el mito publicitario más que con la movilización cívica. Informarse cansa y a este precio el ciudadano adquiere el derecho a participar en la vida democrática.

Noam Chomsky

Libertad de Prensa » Bases


Bases do VII Premio José Couso

O Colexio Profesional de Xornalistas de Galicia (CPXG), creado pola Lei do Parlamento Galego 2/99 do 24 de febreiro, e o Club de Prensa de Ferrol, realizan a séptima convocatoria do Premio José Couso de Liberdade de Prensa, co obxectivo de recoñecer e difundir o traballo dunha persoa viva ou organización existente destacada na defensa da liberdade de prensa ou cunha salientable traxectoria profesional, libre e independente. Caixanova, sensible ó desenvolvemento do exercicio profesional dos xornalistas, ofrece o seu apoio decidido para materializar a iniciativa.

José Couso foi disparado o 8 de abril de 2003 mentres realizaba o seu traballo para os informativos de Tele5. No mesmo ataque faleceu o tamén cámara ucrainiano Taras Protsyuk. Os organizadores queren personalizar na figura de Couso a todos aqueles xornalistas, galegos ou non, que cada ano son asasinados, maltratados ou privados dos seus dereitos como persoas e como informadores.

O VII Premio José Couso de Liberdade de Prensa rexerase polas seguintes bases:

  1. Poderán ser presentadas as candidaturas dos xornalistas sen distinción de lugar de orixe.
  2. Calquera colexiado do CPXG ou socio do Club de Prensa de Ferrol pode entregar unha proposta argumentada de candidato para o Premio José Couso de Liberdade de Prensa. Igualmente, calquera persoa ou organización vinculada ó xornalismo está facultada para facer chegar a súa candidatura.
  3. As candidaturas deben incluir a seguinte DOCUMENTACIÓN:

    a. MEMORIA que conteña as razóns para apoiar dita candidatura (mínimo dun folio, máximo de cinco).

    b. CURRICULUM VITAE do candidato ou traxectoria da organización (mínimo dun folio, máximo de catro).

    A candidatura pode ir acompañada, de ser necesario, por outros tipos de material de apoio e, en xeral, por calquera documento que aporte datos relevantes e información adicional. Esta información poderá ser incorporada á web do Premio.
  4. As candidaturas serán enviadas por CORREO POSTAL CERTIFICADO ou por CORREO ELECTRÓNICO. En calquera dos casos deberá ir perfectamente identificada a persoa ou entidade que propón a candidatura e un número de teléfono de contacto para as comprobacións pertinentes.

    As candidaturas remitiranse a:

    COLEXIO PROFESIONAL DE XORNALISTAS DE GALICIA
    San Pedro de Mezonzo, 36, 1º
    15701, Santiago de Compostela. Galicia (España)
    Ou a: premiocouso@xornalistas.com
  5. As candidaturas deberán presentarse necesariamente antes do día 7 DE MARZO.
  6. Non serán admitidas as candidaturas que non cumpran os anteriores requisitos. A documentación presentada non será devolta nin se manterá correspondencia sobre ela. O Secretario do CPXG levantará acta sobre as candidaturas recibidas e as entregará, xunto coas mesmas, á organización. A comisión fará oficiais e públicas -na web do Premio e na sede do CPXG- as candidaturas o 10 DE MARZO.
  7. A Xunta de Goberno do CPXG e a Directiva do Club de Prensa de Ferrol nomearán unha comisión específica para a organización do certame. Esta comisión comisión é o máximo organo de decisión do premio e as súas decisións non admiten recurso algún.
  8. O XURADO do Premio José Couso está constituído por todos e cada un dos colexiados do CPXG e socios do Club de Prensa de Ferrol que teñan ó día o pagamento das súas cotas de asociados.
    O Decano do CPXG e o Presidente do Club de Prensa actuarán, respectivamente, como presidente e vicepresidente do xurado. Nomearase tamén un secretario.
  9. O xurado poderá votar única e exclusivamente a través de internet. A votación electrónica realizarase entre os días 10 E 31 DE MARZO na web do premio, www.xornalistas.com/couso.

    Os colexiados e colexiadas do CPXG realizarán o seu voto a través da intranet da web do CPXG. Os socios e socias do Club de Prensa de Ferrol, realizarán o seu voto enviando un mail co seu candidato a premiocouso@xornalistas.com. Deberán envíar a súa elección e incluír os seus datos persoais (nome, DNI e número de asociado). O voto non será válido se os datos non son correctos.

    O Secretario do CPXG levantará acta dos votos recibidos, quen os contará atribuíndollos a cada un dos candidatos. O Premio seralle concedido ó candidato que obteña a maioría dos votos. En caso de empate, o presidente do xurado disporá de voto de calidade.

    Este procedemento farase en presenza dun notario, quen levantará acta do resultado.

  10. O Premio José Couso é un recoñecemento da profesión xornalística galega que non implica ningunha contía económica. O gañador recibirá un diploma acreditativo e o símbolo distintivo que representa o Premio, consistente nunha escultura de Manuel Patinha, que leva o nome de "Ás ceibes".
  11. O fallo do xurado darase a coñecer o 8 DE ABRIL,e entregarase o 5 DE MAIO DE 2011 nun acto en Ferrol.

    (A participación neste certame implica a aceptación destas bases, depositadas ante notario)


Máis información en:
www.xornalistas.com/couso

 

ACTUALIDAD

Inauguración de 22º Edición de Galicia en Foco. O Fotoxornalismo Galego
Viernes, 18 de noviembre de 2011 Outono Fotográfico de Ourense Museo Municipal de Ourense

Inauguración de 22º Edición de Galicia en Foco. O Fotoxornalismo Galego
Lunes, 12 de diciembre de 2011 Colexio de Arquitectos de Galicia Casa da Parra Praza da Quintana Santiago de Compostela

Presentación de la revista Ferrol Análisis nº 26 y Cuaderno Ferrol Análisis nº 25 dedicado a:
Ferrolterra e as orquestras de baile (1930- 2010) Autores: Germán Castro Tomé y Juan Díaz Fraguela
(El acto, mes de diciembre, está sin fijar fecha)


© Club de prensa de Ferrol 2009